Schweizer Sturmforum

Sali zäme!

Hey, ich han de Bernhard gfröget, wenn denn s'nöchschte Forumtreffe stattfinde chönnti. Er het drufabe gseit, das emol d'Red gseh isch vomene Treffe im Spatsummer, also etze! Ich möcht en erneute Astoss mache, damit die gueti Idee nid wieder im Sand verlauft, mier hend nämlich sicher es paar do be üs im Forum, wo sehr gern würdet euch nöcher kennelerne! Also ich mach etze mal en Vorschlag:

Mier chönnted üs zum Bispiel i de Region Züri träffe vilicht am Bahnhof. Denne chönntemer ufe Üetliberg ufewandere und vo dete us entweder Herbschtimpressione (Näbelmeer, farbigi Bäum, usw.) oder nomol Summersache wie Gwitter oder e Chaltfront oder so. Wenns dete e Füürstell hätt chönntmer dete es chliners oder grössers Grillfäschtli mache. Jede nimmt de sini Sache mit und öpper chönnti de z'Trinke mitnäh. Ich nämti de e Chische Eichhof Bier mit (Innerschwizer-Spezialität, fein! ).

Und wie tönt das? Wer wüssti no öppis bessers? Idee sind herzlich willkomme!

Also händ e schöne Tag und bis (hoffentlich) bald
Damian

Ich weiss zwar nid, öbi cha cho- aber i finds nur scho super, dases im Kt. Züri sell stattfinde. Denn hetti vo mir dihei us nämli nid so wiit...

Finds e gueti Sach- währed au Lüüt willkomme, wo mit Meteorologie etc. nid so vill am Huet händ? Elei wetti nämli nid unbedingt cho...

Gruess, Manu

Sali Manu

Ich be zwar nid de Scheff, aber ich erlaube dier das eifach mal. Ich nime nämlich au mini Kollege mit und die interessiert s'Wätter nid sonderlich, si findets eifach no interessant wie's entstaht und so! Also Manu, Kolleginne is Gepäck neh, das wär sicher geil! :D

Tschau und mer gseht sich demfal!
Damian

@Manuela
Bist sicher nicht lange alleine, denn wir beissen alle nicht (auch wenn es in letzter Zeit den Anschein macht)!

@Forum
Ohne Datum kein Treffen !

Öps, ja stimmt, s'Datum isch nu uf de Strecki! Hmmm, ich glaube, ich zelle eifach mol es paar uf:

1.) Samschtig, 10.09.2005
2.) Samschtig, 17.09.2005
3.) Samschtig, 24.09.2005
4.) Samschtig, 01.10.2005
5.) Samschtig, 08.10.2005


So das wäred mal föif Date, etze wer macht bi DOODLE e pott uf um abzstimme wenn ächt de beschti termin wäri? äähm, giachem, du bisch doch sone doodle-spezialischt? chönntisch du das mache?

Grüess
Damian

Öhm... und wer nicht Dialekt kann, ist ausgeschlossen?

So ich habe bei doodle, so ein Datumsauswahlraster erstellt. Ich bitte einfach alle Forumteilnehmer das Forumstreffen ernsthafter als das letzte zu nehmen.

Hier der Link:
Daten für Forumtreffen

Mit freundlichen Grüssen Thomas

Sali Fabienne!

Neinei chasch ja ou mit dim Bäärnerdialäkt derhärcho. Das macht sicher nüd, wiu aui lütlis si i dem forum weukomme.

Grüässli uf Bääärn
Damian

@ Damian

Fabienne hat aus meiner Sicht aus gmeint, dass man eher Hochdeutsch schreiben soll, da eventuell nicht alle Forumianer/innen Schweizerdeutsch verstehen bzw. nur schlecht verstehen.

Mit freundlichen Grüssen Thomas

@Thomas: Ach so ist das gemeint! Trotzdem finde ich, dass man in diesem Forum doch den Dialekt fördern soll, zur Erhaltung des typischen Schweizer-Klischees.. :D

Gruss und gute Nacht
Damian